1 2 3 Asawa ni Marie
AiTenshi
July 12, 2021
Episode 60
FINAL CHAPTER
Binalot ng magkaibang liwanag ang aming paligid at kasabay noon ang malakas na pagyanig. Nawala ang haring araw at napalitan ito ng dilim. Ang mga kulog at kidlat ay bumagsak sa kalangitan kaya lalong nagimbal ang buong siyudad. Samantalang walang nagawa sina Jassie kundi ang isakay sa Sergio sa space jet ni Bastos ay ilayo ang kanilang mga sarili.
Nakatayo lang kami ni Annabel at nakatingin sa direksyon ng isa't isa, noong mga sandaling iyon naipon ang aming mga galit at sumiklab ito na parang nagbabagang apoy. At sa pagbagsak ng kidlat sa aming pagitan ay nagsimula rin ang aming sagupaan. Nagliliwanag ng dilaw ang aking katawan tanda ng paghahanda sa aking mga sunod sunod na pag-atake. Si Annabel naman ay namumula
