"Kailan mo ba gagamitin itong damit na ipapagawa mo?"
Nandito kami ngayon sa bahay nila Annika. Nagulat na lang ako nang bigla ako nitong pasukatan sa dumating na bading.
Since buntis daw siya ngayon, hindi makukuha iyung talagang sukat niya. Tutal naman daw ay halos magkasukat lang kami.
"May pupuntahan akong kasalan pagkapanganak ko," sagot ni Annika.
"Iyun naman pala nakapanganak ka na nun, eh. Hindi ba ang advance ng pagsusukat na ‘to? Or baka hindi mag-fit sa iyo itong sukat na ito ngayon versus sa actual na sukat mo?"
"So, anong ibig mong sabihin? Mataba na ako nun kasi nanganak ako? Grabe ka sa akin ha, Pepper..." nakangiting sagot nito.
"Ha? Hindi naman! Naku....sorry-"
"Biro lang... hindi ako galit. Tapusin nio
