Sumunod kami sa kanila. Mahaba-haba ring lakaran iyon at lahat ng makasasalubong namin ay kakaiba ang ipinupukaw na tingin kay Apple. Batid ko naman kung bakit. Kakaiba kasi ang kaniyang itsura sa kanila at kahit naman ang paslit na nahihiwagaan din sa mga nilalang na kaniyang nakikita.
Sa aming paglalakad, pinagmasdan ko ang paligid. Ikinumpara ang noon. Wala namang ipinagbago ang kanilang tahanan. Bukod sa tila mas lumapad ang mga pasilyo at hindi na kasing langsa gaya noong unang beses na tumapak ako roon.
Hindi pa roon natapos ang pag-ooserba ko. Sa kalagitnaan ay may mga alaalang nagbalik. Iyong mga panahon na ako pa ang reyna at ang insidente kung saan muntik nang mapahamak ang buong angkan ng mga Merman nang dahil sa paghihiganti ng Celestial na si Marion.
Hindi lang sila, maging
