"Thank God it's Friday! And I'm in love!" Nakangiting sabi niya.
Maaga siyang nagising para mag-swimming muna bago mag-ready sa hotel. Inunat niya ang mga braso, humikab. Maaga ring wala sa higaan ang asawa. Marahil nag-jogging ito.
Magkatabi silang natulog ng asawa, pero wala pa ring nangyari sa kanila. Kahit sabihin pang handang-handa na siya. Napabuntong-hininga siya, pero ngumiti rin agad.
"What a nice sunny day," sabi niya.
Bumaba na siya para lumangoy. Suot niya ang dilaw na two-piece na sigurado siyang pag nakita siya ng asawa, baka mapaaga ang honeymoon nila.
Napangiti siya sa naisip. Inipit niya ang buhok sa isang malaking clip at bumaba na sa tubig.
Lumangoy-langoy siya para ma-relax ang katawan. Iniunat ang mga braso, sumisid, umikot sa tubig. Lalanghap lang sana siy
