C H A P T E R 18
“Yaya,” matamlay na ngumiti si Catharine nang madatnan niya sa pintuan ang matandang si Lerma sa bagong bahay ni Drear.
“O, bakit hindi ka yata masaya? Nag-away ba kayo ni Drear? Masaya rito iha, wala na si Fiona.” Anito sa kanya pero tumango lang siya.
Wala na nga sa bahay pero nasa puso ni Drear. Alam kaya ng yaya Lerma ng lalaki na mahal noon si Fiona?
“Yaya, bilyonaryo po pala si boss Light.” Kumurap siya.
“Boss L-Light?”
“Ahm ― ” napakamot siya. “Si Sir Drear po.” Yumuko siya pero ngumiti ang matanda at makahulugan ‘yon.
“O ano naman ang masama?” hinaplos nito ang ulo niya.
“Eh nakakahiya po pala sa kanya kasi ang yaman niya. Tapos kung pagsalitaan ko siya minsan kapag nagagalit siya, sobra.” Lumingon siya sa kotse at nakita niyang bu
