C H A P T E R 38
“Okay ka lang, boss Light?” sinilip ni Catharine ang mukha ni Drear nang mapako ito habang naglalakad sila papalabas ng restaurant.
Nauna na silang magpaalam matapos na bumalik ng mga kaibigan niya at nina Greg at Brent sa mesa. Wala ng imik ang Professor Pogi niya at biglang naging malalim ang iniisip. Nang magpaalam siya ay tumitig lang sa kanya nang malungkot at tumango.
Tapos ngayon naman ay si Drear ang parang naparalitiko na sa pagkakatayo.
“Such a crap.” Galit na bulong nito at humigpit ang pagkakahawak sa kamay niya.
Napangiwi siya kasi parang mababali ang buto sa palad niya.
What is happening?
Sinundan niya ng tingin ang tinutumbok ng mga mata nito at wala naman siyang makita maliban sa isang grupo ng mga kalalakihan na nagtatawanan haban
