MAAGANG pumasok si Estelle sa opisina nang araw na iyon. Oh, lagi naman, mas maaga lang ngayon. Hindi sumasagot sa tawag niya si Kurt. Ilang araw na. At hindi rin niya nakikita na si Asher. “Dumating na ba si boss?” tanong niya sa kasamahan. “I think hindi siya makakapasok ngayon. Balita ko kay Miss Angeles, nasa Malaysia sila ngayon.” Saglit na natigilan si Estelle. Siya ang secretary tapos wala siyang kaalam-alam? “A-anong ginagawa nila sa Malaysia?” “Hindi ko alam. Pero narinig kong nagpapadala si Miss Angeles ng dalawang tuxedo kahapon. I think para sa kasal?” Lalong hindi nakakilos si Estelle. “T-tuxedo? S-sinong ikakasal?” nauutal na tanong niya. Kibit balikat lang ang sinagot ng kasamahan niya. May kaba siyang naramdaman pero hindi niya alam kung bakit. Isang linggo ang na