Halos magwala si Peralta nang damputin ito ng mga kaibigan at kapwa kabaro na sina Nuñez at Dumagat.
"Teka, para saan 'to!" tila hindi makapaniwalang turan matapos mabasa ang arrest warrant na ibinaba ng ahensya nila.
"Pasensya ka na Peralta pero bilang isang alagad ng batas ay alam mo ang proseso at sistema," turan ni Dumagat sabay hawak sa kamay nito upang iposas.
"Saglit lang, bakit may ganito, akala ko ba ay magkakaibigan tayo?" palatak pa ni Peralta sa kanila.
"Iyon na nga, pare, magkakaibigan tayo pero bakit mas pinili mo kaming traydurin dahil lamang sa pera," bulalas naman ni Nuñez.
Umilap ang mga mata nito at maya-maya ay napahagulgol.
"Nagawa ko lang 'yon dahil kailangan ko ng malaking halaga para maopearahan ang tatay ko," saad nito.
"Bakit hindi ka humingi ng tulong sa a
