Hindi na nagulat si Philipp sa inastang 'yon ni Mr. Paredes, alam niyang darating sila sa puntong ganoon lalo pa at hindi sila magkaintindihan. Gulat man pero hindi pa rin niya inaasahang mangyayari pero nangyari na nga, mabuti na lamang at mabilis din siya nitong binitiwan.
"Ayaw kong dungisan ang aking kamay," turan ni Mr. Paredes saka ito umayos ng upo.
Matalim ang salitang binitiwan nito, napatingin siya rito at nakasalubong ang matatalim nitong tingin.
"Si Mikaella na lamang ang tanging kayamanan ko sa mundong ito kaya hindi ako makakapayag na isang tulad mo lamang ang sisira sa kanya," wika pa nito saka biglang tumayo.
"Gaya po ng sinabi ko ay para rin ito sa ikakabuti niya," giit niya sa lalaking nakatayo na upang umalis.
Ngumisi ito sa kanyang sinabi.
"Paanong para sa ikabubu
