MAAGA akong nagising para maghanda ng mga gamit namin ni Race. Ngayon kami pupunta ng Quezon province para magbakasyon ng limang araw kasama ang mga kaibigan ko. Madalas namin gawin ito ng mga kaibigan ko noon, pero ito ang unang beses na gagawin ko ito kasama si Race.
Naligo ako pagkatapos kong ihanda ang mga gamit na dadalhin namin na hindi namin na ilagay sa maleta kagabi. Pagkalipas ng kalahating oras ay natapos akong maligo, ngunit napansin kong wala si Race sa kama.
“Gising na pala siya.”
Nagsuot lang ako ng shorts, tshirt at nagdala lang ako ng jacket kung sakaling lamigin ako mamaya sa biyahe. Paglabas ko ng kuwarto ay nakita kong naghahanda ng pagkain si Race.
“Bakit nagluto ka pa ng almusal?” tanong ko.
Ngumiti siya at lumapit sa akin. “Good morning!” Hinalikan pa niya ako
