“Good morning, Anak!” Pinugpog ko siya ng halik sa sobrang gigil ko.
Tumili naman siya sa tuwa dahil sa ginawa ko.
“Ikaw, pinuyat mo na naman si mommy, sabi ko sa iyo sabay tayong matutulog,” kausap ko sa kanya.
Para namang nakaintindi siya sa sinabi ko dahi umuungol siya habang nakatitig sa akin.
“Abah! Nangangatwiran ka na.” Muli ko siyang kiniliti hanggang sa tumawa siya.
Unang araw namin dito sa condo. Wala akong katuwang kay Raiden ngayon kaya bago pa ako makapaglinis o makaligo ay kapag tulog na siya. Gayunpaman, masaya pa rin ako kahit ako lang mag-isa. Naramdaman ko na naman kasi ang kalayaan ko kahit may makulit akong baby na kasama.
Pinaliguan ko muna siya upang makatulog ng mahimbing pagkatapos ay naligo ako. Nang matapos akong maligo ay tumunog naman ang doorbell kaya ti
