"Savanna!" Malakas na tawag nia rito at sinundan palabas ng bar. Napansin niya ang pagmamadali sa kilos nito, sadya nitong nais iwasan.
"Savannah, wait!"
"Leave me alone, Marco!" Sigaw nito, lalo pang binilisan ang paglalakad patungo sa parking lot, kaya naman halos tumakbo na siya. Hindi niya pwedeng hayaang magmaneho pauwi si Savannah, nakainom ito, baka kung ano ang mangyari rito.
"Savannah!" Mariing tawag niya rito nang mahuli ang braso nito.
"Ano ba, Marco! Bitiwan mo nga ako!" Asik nito at sinubukan pang makawala sa pagkakahawak niya. Hindi niya ito binigyan ng pagkakataon. Halos kaladkarin na nga niya ito patungo sa kotse niya, pinagpasalamat niyang walang tao roon.
Nagtitili pa ito at lalong nanlaban para mawala sa kanya. Kaya naman wala na siyang choice kundi buhatin na ito.
