"Ano naman kasi ang ginagawa mo dito at basta-basta ka na lang pumapasok?!" Inis niyang tanong sa kapatid na basta na lang sumulpot kung saan, kung kailan pa namang halo bumibigay na sa kanya si Savannah, saka naman eeksena ang kapatid niya.
Sinulyapan niya si Savannah na nakaupo sa sofa, halata ang pagkailang kay Matteo na pangiti-ngiti pa. Sa kanilang tatlong magkakapatid siya ang pinaka maingat pagdating sa pambabae, malinis siyang kumilos at hindi niya hinahayaang mag iwan ng bakas.
"Sorry na Kuya, hindi ko naman alam na may bisita ka. Pagdating ko kasi kanina wala si Ruth sa labas, kaya dumeretso na ko," paliwanag nito saka pilyong ngumiti.
"Ms. Savannah," tawag pa ni Matteo kay Savannah na nakaupo. Tumingin naman si Savannah sa kapatid niya.
"Boyfriend mo ba talaga itong Kuya ko
