"Pasensya ka na bayaw ah, hindi raw kasi makakapunta si Amara ngayon dito," sabi sa kanya ni Alvin nang puntahan siya nito malapit sa bahay ng mga magulang ni Amara.
Matiyaga siyang nagmatyag sa labas para kay Amara, ngunit nabigo siya, hindi niya nakitang dumating si Amara. Nilapitan naman siya agad ni Alvin nang makita nito ang sasakyan niya.
"Ano bang nangyari?" Tanong niya kay Alvin. Buong akala pa naman niya makikita na niya si Amara ngayong araw.
"Eh bayaw, may biglaang emergency daw si Amara eh,' kamot ulong tugon ni Alvin sa kanya.
"Emergency?" Kunot noong tanong niya. Inalala ang mag inang nakita niya sa VincElla Hotel kanina. Pansin nga niyang may pagmamadali sa kilos ng babae kanina. Hindi kaya si Amara nga ang nakita niya?
"Oo bayaw eh. Hindi naman sinabi ni Inay kung ano
