"Miss Savannah may naghahanap po sa inyo," sabi ng isang staff sa kanya habang nagpapahinga siya malapit sa Van na service ng mga crew para sa photo shoot niya ngayong araw. Kanina pa sila nakapagsimula at ilang take na lang at matatapos na sila. Ito ang huling shoot niya bago umalis bukas patungong LA kasama si Marco.
"Ah? Sino?" Nagtatakang tanong niya. Si Marco lang naman ang nasabihan niya sa location ng shoot niya, at nasa trabaho pa ito ngayon, nakausap palang kasi niya kanina sa cellphone.
"Ako. Ako Savannah ang gustong kumausap sa iyo," si Hazel ang nakita niya sa likuran ng crew na agad na ring nagpaalam sa kanya nang lumapit na si Hazel. Nakataas ang mukha nito at kilay, hindi rin maitatago ang ginawang pagsuri nito sa kanya. Suot niya ang isang evening dress na bagong design n
