“SHE’S HERE,” ani Tres nang makita ang pagdating ni Aniah.
Nang dumako ang tingin sa kaniya, ng hindi niya inaasahang bisita sa penthouse, para bang gustong tumakbo ni Aniah palayo sa lugar na iyon kasama ito.
Biglang nagulo ang isipan niya kung ano ang ginagawa ni Evo sa penthouse kasama ang mga kapatid niya.
Bakit pakiramdam niya ng mga sandaling iyon, mayroong kakaibang mangyayari?
Na hindi naroon si Evo para lang sa wala?
Knowing her triplet brothers, malalakas din ang tama ng mga ito.
Nang hindi matinag si Aniah sa kaniyang kinatatayuan ay tumayo pa si Dos upang igiya siya papunta sa may salas kung saan naroon ang apat.
Naupo siya sa isang single sofa na katapat lang din ng kinauupuan ni Evo.
“Ano’ng ginagawa rito ni Evo?” hindi na niya napigilang itanong sa mga kapatid niya.
