MUKHANG nakikisama ang panahon sa kanila ni Evo. Medyo cloudy kasi ang kalangitan ng mga sandaling iyon. Pero wala namang pagbabanda na uulan.
Bago dumiretso sa mismong Kamay ni Hesus ay dumaan muna sina Aniah at Evo sa Healing Church of the Risen Christ o mas kilala sa tawag na Kamay ni Hesus Shrine.
Gusto lang niyang magdasal.
Walang misa sa araw na iyon kaya naman hindi matao sa naturang lugar. Kapag kasi araw ng misa, marami talagang tao. Dahil na rin sa healing priest na dinarayo sa lugar na iyon.
Lord, hindi ko po alam kung hanggang kailan ‘yong ganito kami ni Evo, ani Aniah sa kaniyang isipan habang nakaluhod at nakapikit. Sana, ‘wag po kayong magalit, lalo na sa akin, dahil nagagawa kong tumakas sa amin o magsinungaling sa pamilya ko para makasama lang si Evo sa mga ganitong kl
