REBECCA’S POV
LALONG LUMAKAS ang buhos ng ulan bago pa man mag-uwian. May low pressure pala na hindi namin nasubaybayan. Kaya pala ilang araw nang bumubuhos ang ulan. At ayon sa balita, binaha na ang ilang kalsada at delikado nang daanan. Kabilang na ang kalsada na pauwi sa amin.
“Mas mabuti siguro kung dito na lang muna tayo magpalipas ng gabi. Magpapahatid na lang tayo ng susuotin n’yo bukas ni Samantha para diretso pasok ka na,” suhestiyon ni Sir Tristan habang nanonood kami ng balita. “Delikado kasi kung susuong tayo sa ulan at baha. Kasama pa naman natin si Samantha. May mga madadaanan kasi tayo na prone talaga sa baha. Kaunting ulan nga lang, bumabaha lalo. Lalo na kapag ganitong masungit ang panahon.”
Si Samantha agad ang naisip ko. Tama si Sir Tristan. “Sige po. Pero saan po tay
