REBECCA'S POV
"REBECCA, hinahanap ka ng Uncle mo. Pasok ka raw muna sa tindahan at may kailangan kayong gawin bago magbukas," sabi sa akin ni Ate Osang nang dumating ako.
Nauna kasi si Uncle Sam dahil naglinis muna ako ng bahay.
"Sige po, Ate."
Ano pa kaya ang kailangan naming gawin ni Uncle? Sa pagkakatanda ko, nagawa na namin lahat ng kailangan naming gawin bago kami magsara kagabi. Kaya nga inabot kami ng alas dose.
Nakakunot pa rin ang aking noo nang pumasok ako sa tindahan. Nagulat ako nang pagbukas ko ng pinto ay nakita ko si Uncle na nakatayo sa likod at tila hinihintay ako.
Sa ngisi pa lang niya, parang alam ko na ang binabalak niya kaya niya ako ipinatawag.
At ngayon pa lang, excited na ako sa gagawin namin.
"Bulaga!" parang bata na saad niya at saka ako kinindatan.
"U
