"Hindi nga sabi ako nababaliw." Pilit nagpumiglas ang ginang. Kagigising lang nito, kinailangan kasing turukan ito ng pampakalma tapos nakatulog din ito.
"Mom! You're not okay, you're not fine." Inawat ko ito nang akma itong aalis ng kama.
"Hindi naman kasi talaga ako nababaliw. Nagsisinungaling lang si Pluma. Inatake ko s'ya kanina kasi sabi n'ya hinaluan n'ya ng gamot iyong tubig na pinainom n'ya sa akin."
"Pina-test ko na iyong baso at tubig na natira. Walang chemical na nakahalo roon. Paranoid ka lang, Mommy." Stress na ani ko.
"Hindi ako nababaliw." Hagulgol ng iyak na ani nito.
"Pwes, kumalma ka!" utos ni Daddy rito. Tumango-tango ito saka pilit pinakalma ang sarili.
"Hijo, sige na. Ako na ang bahala sa Mommy mo. Balikan mo si Pluma. Tiyak na na-shock iyon sa ginawa ng mom
