"Bossing, sa'n na tayo ngayon? Talagang wala na yata rito sa Amerson si babaeng luka-luka, eh," untag ni Romeo kay Sean.
Gabi na pero naroon pa rin sila sa may tapat ng gate ng Amerson University. Nag-aabang sa paglabas ni babaeng luka-luka. Iyon ang naisip nilang paraan para makita nila ang dalaga. Ang abangan ito sa gate dahil kung nasa loob pa ito ng Amerson ay siguradong makikita nila ito rito. Wala namang ibang labasan ang Amerson kundi doon lang sa malaking gate. Magkatabi na ang exit at entrance.
Humindi si Sean kay Romeo. Kahit halos nag-uwian na lahat ng estudyante at mangilan-ngilan na lang ang lumalabas ay hindi pa rin siya nawawalan ng pag-asa na makikita niya rito ang dalaga. Atat na atat na siyang makita ito para maamin na niya ang nararamdaman niya. He can't afford to wait
