BABAE ang anak nila. At walang pagsidlan ng kaligayahan o kasiyahan si Luther. Sigurado siyang magmamana ang anak nila sa asawa niya. Maganda at cute, lalo na sa mala-labanos sa puti nitong kutis. Ngayon pa lang paplanuhin na niya kung saan mag-aaral ang anak. Hindi niya papayagan na mabubully lang ng kahit sino ang anak niya.
“Congratulations, Daddy Luther, masyado ka yata seryoso diyan.” malapad ang ngiti ni Lash. “Sigurado ang ganda ng inaanak ko.” ani pa nito.
“Wala akong kukunin ninong na kahit isa sa inyo.” syempre biro lang niya yon sa mga kaibigan. Lahat ang mga ito ay ninong ng anak niya. Kahit sabihin pa ng iba na napakaraming ninong ng anak nila ni Cariza. “Lalo ka na, Tol Lash, wala ka sa listahan ng ninong. Unless babawiin mo muna ang mag-ina mo.”
“At bakit ko gagawin yon a
