PAG katabi sa higaan si Jayco, hindi pa rin nawawala ang alinlangan ni Maurice sa asawa. Baka bigla itong daanan ng pagkasadista at pwersahin siya.
Kagaya na lang ngayon hatinggabi na hindi pa rin siya makatulog. Samantalang si Jayco, payapang natutulog sa tabi niya. Nakayakap sa kaniyang baywang ang isang kamay nito. Ang mukha ay nakalubog sa gilid ng ulo niya.
Maingat siyang bumangon at naupo sa gilid ng kama. Inabot ang tubig sa bedside table at ininom iyon. Simula ng mabuntis siya laging may tubig doon. May mga gabi nagigising siya sa pagkauhaw. Pero ngayon kakaiba may nais siyang kainin.
“M-Mahal ko, bakit hindi ka pa natutulog. ‘Di ba bawal sayo ang magpuyat?”
“Ahm… n-nagugutom ako…”
“Gusto mo bang kumain halika at sasamahan kita.” bumangon na rin ng tuluyan si Jayco. Tumabi i
