“SORRY, Shasha, akala ko hindi mo tatanggapin ang pagtutor kaya naghanap ako ng ibang kapalit mo,” wika ni Eden. Siya ang nilapitan ko para tulungan akong makahanap ng mga batang gustong magpatuto
Ngumiti ako. “Okay lang, maghahanap na lang ako ng ibang trabaho.”
“Sorry, talaga, Sha.”
“Ano ka ba okay lang ako.”
“Hayaan mo kapag may naghanap ikaw ang una kong pupuntahan.”
Tumango ako. “Sige, aalis na ako.”
“Ingat ka.”
Bagsak ang balikat kong umalis. “Hays! Paano ako makakaalis sa boarding house kung wala akong trabaho? Kailangan ko pa naman asikasuhin ang mga requirements ko para lang makapasok sa kumpanya.”
Naglakad ako papunta sa sakayan ng jeep. Habang naghihintay ako ay may humintong puting van sa harapan ko. Kinabahan ako lalo na nang bigla kong maalala ang mga balita tungkol
