"JADE, bakit hindi ka sumama kay Sir Caleb na umalis?" tanong ni Manang Susie.
Tipid akong ngumiti. "Kasama niya si Madam na umalis kaya hindi na niya ako sinama." Pinagpatuloy ko ang pagpupunas ng bintana.
"Sabagay, baka pumunta sila sa parlor. Si Madam gusto niya maganda siya sa party."
Tumango at ipinagpatuloy ko ang ginagawa ko. Ayokong magkomento tungkol sa mommy ni Sir Caleb dahil ayokong malaman nila ang pinag-usapan namin.
"Jade, balita ko kasama sa party ni si Caleb, dapat ngayon naghahanda ka na."
"Kahit anong gawin ko ay hindi naman magbabago ang itsura ko."
"Si Linda magaling maglagay ng makeup. Kakausapin ko siya mamaya."
"Huwag na po baka puwede naman na walang makeup kapag pupunta sa party."
"Alam kong maganda ka kaya lang kailangan mo pa rin maging maganda sa party
