ALA-UNA na nang madaling araw ngunit hindi pa rin makatulog si Lily. Kasalukuyan siyang nakaupo sa isa sa mga chaise lounges harap ng swimming pool. Siya na lang ang nanatiling gising na tao sa mansyon. Hindi kasi siya makatulog.
Bukas ay dadating na si Conrad. May nadadama siyang takot sa kanyang dibdib na baka mangyari na ang kanyang kinatatakutan. Baka kunin na nito ang pagkabirhen niya.
Noon ay desidido siyang maisakatuparan ang balak na paghihiganti laban kay Conrad Ventura kesahodang ibigay man niya ang sarili rito.. Pero ngayon ay nagkarooon na siya ng agam-agam. Sakaling magising ang kanyang ina ay batid niyang hindi nito ikatutuwa na isinakripisyo niya ang sariling kaligiyahan para mapagamot lang ito. At mas lalong hindi nito ikakatuwa kapag nalaman na naghihiganti lang siya.
