NAGISING si Lily nang maramdaman na wala na siyang katabi. Naghintay muna siya na ganap na bumalik ang diwa bago bumangon. Lumabas siya ng kwarto.
Nakita niya ang kanyang asawa na nasa mini bar. May hawak na wineglass at halos nangalahati na ang bote na nasa harapan nito. Alam niyang labis itong naapektuhan sa pagbabalik ng ama nito na hangga’t maaari ay ayaw sana nitong kalabanin. Ngunit sadyang matigas ang puso ni Conrad. Para rito ay isa lang siyang tropeyo na dapat makuha. Alam niya na bukod sa pag-ibig ay nag-uumpaw na pride ngayon ang umaalipin kay Conrad. Hindi na nito iniisip kung ano ang mararamdaman ng anak nito.
Kanina nang dumating sila sa mansyon ni Colt kung saan sila nakatira ngayon ay walang humpay na pang-aalo ang ginawa nito. Hindi kasi tumitigil ang panginginig ng kat
