“ANO ang ibig sabihin nito?!”
Ang dumadagundong na boses na iyon ang nagpabalikwas ng bangon kay Lily ngunit sumigid lang ang matinding kirot sa kanyang ulo na tila ba mabibiyak iyon. Umiikot ang kanyang pakiramdam dala ng pagkahilo.
“C-Colt, S-sweetheart?” Nagtaka siya kung bakit nagbabaga sa galit ang mata ng kanyang asawa ngunit nasagot ang kanyang pagtataka nang siya mismo ay nahindik nang mapagtanto na mayroon siyang katabi sa kama. Lalake. Nakadapa. Pero pamilyar sa kanya ang bulto ng katawan. . . Caden?
“Ipaliwanag mo, Lily! Ano ibig sabihin na nito?!” Ulit na tanong ni Colt sa nadidilim na anyo.
Hindi makasagot si Lily. Kahit siya ay hindi rin niya alam kung bakit humantong sila ni Caden sa bachelor’s pad ni Colt. Nakahubad pa si Caden at nakayakap sa kanyang beywang habang siy
