MALAPIT na matapos ang araw namin ngayon dito sa Isla. May iilan na ring turista ang bumabalik na sa mismong resort.
Nakaupo lamang ako rito habang tinitignan ang tanawin bago kami bumalik. Sobrang pino at puting-puti ang buhangin sa islang ito, mukhang inaalagaan talaga ng mga tao na nakatira rito.
“Baby, alis na raw tayo...”
Napalingon ako nang may bumulong sa tenga ko, nakita ko si daddy Gurang kaya sinungitan ko siya.
Baka nakakalimutan niyang may kasalanan siya sa akin! Kasasabi ko lang kaninang umaga na sana walang babae na lalapit sa kanya, pero pagkarating namin dito ay halos tatlong babae ang gustong lumapit sa kanya.
Magpapatulong daw mag-swimming! May life vest naman at ang dami-daming tourist guide, life guard and ibang turistang lalaki rito pero pinili pa rin nila iyo
