PAGKATAPOS naming mag-usap ni Desmond sa isaʼt-isa ay umiyak talaga ako pero ng puso ko ay guminhawa dahil sa sinabi niya. Babaunin ko iyong mga sinabi niya sa akin kapag pumunta na ako sa Canada.
Ngayon na nga ang araw ng alis namin nina Mama and ninang Denise papuntang Canada. Kaya heto na kami ngayon at papunta na sa NAIA. Nagpaalam na kami kina Papa and ninong Alejandro, hindi kasi sila pʼwedeng sumama dahil sa business nila kaya dadalaw na lamang sila roon sa Canada.
“Aurelia, mag-iingat ka roon, okay? Susunod din kami agad ng ninong Alejandro mo kapag natapos na namin ang work namin dito,” Bulong ni Papa sa akin at tumango ako sa kanya.
“Kayo rin po, Papa, ingat po kayo rito! Kayo lang po ang nasa bahay ngayon! Kaya always po kayong makipag-video call sa amin ni Mama, ha?” nakang
