ILANG oras din akong umiyak sa restroom at laking pasasalamat ko ay walang pumasok doon. Kaya ang ginawa ko agad ay naghilamos ako ng aking mukha. Nag-retouch din ako para walang makaalam na umiyak talaga ako.
Bumalik ako sa table ko na parang walang nangyari. Nagtrabaho muli ako at sinagot ang mga iilang calls, maging ang pag-schedule sa mga meeting niya.
Para akong patay na nagta-trabaho ngayon. Ganoʼn ang pakiramdam ko.
Natapos ang araw namin ngayon at nauna na akong lumabas sa 20th floor na ito. Eksaktong alas-sais din akong nagtime out para makababa na agad. Mabilis ang naging lakad ko dahil nagtext ako kay Papa na sasabay ako sa kanya ngayon at gusto kong umuwi sa bahay namin.
Alam kong pupuntahan ako ni Desmond sa condo unit ko, lalo naʼt may duplicate key and keycard siyang
