Chapter 12
KATULAD ng mga paaralan o unibersidad, madalas na nauuna ang school tour at pagpapakilala ng ilang lugar. Ayos na rin ito para hindi ako malito. Wala akong makausap sa grupo ko at pansin kong umiiwas sila sa ‘kin. Sinamaan ko na lang sila ng tingin sa tuwing napapatingin sila sa gawi ko. Siguro halos kalahating oras na kaming naglilibot at nagpapaliwanag si binibining Adeler sa mga lugar na pinupuntahan namin.
Huminto kami sa tapat ng nakabukas na pintuan at sumunod sa kanyang pumasok sa loob. Ang akala ko nakalabas na kami ng palasyo dahil sa ayos nito na para bang kakahuyan. Lahat ata ng napuntahan naming silid isa ito sa mga kakaibang binisita namin.
“Ito ang forest room, dito natin matutunan ang ilang mga hayop at mga halaman na nabubuhay sa Avalon na hindi na kailangan n
