Chapter 88
SUMASABAY ang kalabog ng dibdib ko sa mga oras na ‘to sa pagharurot ng karwahe kung saan kami sakay kasama ang mga kawal na lulusob sa mga taga-Onyx, lumagpas na kaming bayan, isa-isang bumaba ang ilan do’n para tumulong sa mga sugatan, napatulala ako sa ilang mga batang umiiyak dahil sa mga namatay nilang magulang, kapatid at ilang naliligaw. Mga nagtatakbuhang mga lalaki at ina para lang maisalba ang kagamitan nila sa mga natutupok na apoy galing sa mga apoy na bolang inihagis ng mga Onyx para sa kanila. May ilang putol ang katawan, mga nasusunog at umiiyak para humingi ng tulong.
Hindi ko akalain na ganito ang mangyayari sa ginawa ni ama sa mga inosenteng buhay sa Granite, muling naglakabay patungo sa tarangkahan ng bayan, sa mismong boarder ang biyahe namin dahil alam nila
