Chapter 41
HINDI pa rin ako makapaniwala sa sinapit ni Io. Ginawa nila ‘to sa kanya na wala naman siyang kasalanang ginawa, alam kong inosente si Io. Dinala nila ang bangkay nito sa libingan, ako lang ang naglamay sa kanya, wala ang pamilya niya dahil ‘pag may ginawa kang kasalanan sa Onyx sa oras na ililibing ka, hindi ka nila pwedeng lamayan nila, mamamatay kang solo, pinilit ko sila kahit na bawal.
Ano kayang pakiramdam na mamatay ng malungkot, ng takot?
Sinisisi ko pa rin ang sarili ko sa nangyari.
Tuluyang umulan ng malakas habang nakatanaw ako sa bagong takip na lupa nakaumbok do’n sa harapan ko. Naubos na ang luha ko at mas nangingibabaw ang galit ko sa nangyari sa kanya. Hindi ako makapaniwala na mangyayari ‘to sa isa sa mga taong mahalaga sa ‘kin. Nag-uumpaw ang nararamdaman k
