Panay ang tingin ni Ponyang sa orasan na nakasabit sa dingding ng kaniyang silid. Hinihintay niyang mag alas otso para makalipat na siya sa kwarto ni Clark.
Tapos na siya sa mga assignment niya. Wala siyang balak magpaturo rito ngayong gabi, ang gusto lang niya ay mag usap sila at magkulitan.
Pagpatak na pagpatak ng mahabang kamay sa alas dose ay nagmamadali na siyang lumabas, eksaktong alas otso ay nasa harapan na siya ng pintuan ng kwarto nito.
"Good evening!" bungad bati niya ng makapasok sa loob.
Nadatnan niya si Clark na nagbabasa ng libro. Nakasuot pa ito ng reading glasses. Napangiti siya ng makita kung gaano ito kagwapo kapag may salamin.
"Ano'ng ngini-ngiti mo d'yan?" kunot noong tanong ni Clark sa kaniya.
"Wala lang ang gwapo mo kasi. Ang gwapo ng asawa ko," sabi niya.
"
