"Isabela... Isabela!"
Nagising si Michelle sa tawag na iyon ni Ice.
Dali-dali siyang bumangon at tiningnan ito. Nanaginip ang binata. Alas tres ng madaling araw pa lang ng mga oras na iyon. Panay ang tawag nito sa pangalan ni Isabela kaya nagpasiya na siyang gisingin ito, para kasing binabangungot ito.
"Ice... wake up!" aniya rito. Marahan niyang tinampal ang pisngi nito para magising.
Unti-unting dumilat ang binata at nabungaran siya ng mga mata nito. Napatingin din siya rito, hindi niya inalis ang mga tingin dito.
"Isabela!" sabi nito sabay gagap sa mga kamay niyang nasa pisngi nito.
"Bumalik ka. Sabi ko na nga ba at hindi mo 'ko matitiis," tuwang wika ni Ice. Dala ng kalasingan ang paningin niya kay Michelle ay si Isabela.
Nagulat ang dalaga ngunit hindi niya kinontra ang sina
