AVERY
Agad na napatayo ako, maging ang daddy ni Xander ng makita naming lumabas sa silid ang asawa ko, kasunod si General Matias.
Nagtama ang mga mata naming dalawa ni Xander na nakatingin rin pala sa akin, habang naglalakad siya, palapit sa amin ng kanyang ama.
Isang mahigpit na yakap ang natanggap ko mula sa asawa ko nang makalapit siya sa akin at kahit nasa paligid namin ang aming mga ama ay walang pakialam sa mundo na niyakap at hinalikan ako sa labi ni Xander.
“Umuwi muna kayo sa bahay ninyo at huwag kayong magkalat dito sa presinto.” Narinig kong sabi ni General Matias mula sa likuran ng asawa ko.
Nahihiya at nag-iinit ang magkabilang pisngi na lumuwag ang pagkaka-pulupot ng mga braso ko sa leeg ng asawa ko. Oo nga pala, nasa paligid namin sila at maraming mga mata ang nakatingi
