AVERY
Tatlong araw na akong nananatili dito sa hospital at nagbabantay kay Ailee. Halos isang linggo na rin ang lumipas na hindi ko nakakausap si Xander at kahit minsan ay hindi rin tumatawag sa akin.
Minabuti kong pumunta sa chapel para magdasal, gaya ng paulit-ulit na ginagawa ko sa loob ng ilang araw na narito ako. Halos minu-minuto ay hinihingi ko sa Panginoon, na sana maging mabuti na ang kondisyon ni Ailee at gumaling na siya, para makauwi na kami sa bahay.
Alam ko namang hindi pababayaan dito ang kapatid ko. Maganda ang treatment at facility dito sa hospital, pero sadyang mahina talaga ang puso niya at mabagal ang recovery ni Ailee.
Pangalawang ulit na kasi itong nangyayari. Immune na sa gamot ang katawan niya at mahina rin ang bumagsak na immune system.
Healthy naman ang l
