AVERY
“Dimple, please tulungan mo akong hanapin ang mga kapatid ko,” kinakabahan at labis na nag-aalala na pakiusap ko sa kasama ko.
Isipin ko pa lang kasi na nawawala rin sina Aila ay pakiramdam ko ay mawala na ako sa sarili kong katinuan. Pilit na pinapalakas ko ang loob ko. Hindi ako pwedeng manghina sa mga oras na ito, dahil ayaw kong pati ako ay isipin pa ni Xander.
“Ma'am, hindi po kita pwedeng iwan na mag-isa dito,” sabi ni Dimple sa akin. “Mahigpit po ang utos ni boss, na hindi ka pwedeng mawala sa paningin ko.
Hinawakan ko siya sa braso at nakiusap.
“Ayos lang ako. Nandito lang naman tayo sa loob ng bahay. Please, pakiusap, pakihanap sila, Dimple. Hindi ako mapapanatag kung hindi ko malalaman kung nasaan ang mga kapatid ko.”
“Sige po, ma'am. Dito ka lang po, ha? Bababa muna
