AVERY
Simula nang lumabas dito sa silid si Xander ay hindi na ulit siya bumalik pa. May narinig akong nag-doorbell, bagay na ipinagtataka ko kung sino ang nasa labas dahil wala naman akong pinapunta dito.
Hindi ako bumangon at nanatiling nakahiga sa kama. Nanlalamig ang pakiramdam ko, balot na balot ng makapal na kumot ang buong katawan ko. Nahihilo na naman kasi ako at pakiramdam ko ay nanlalambot, dahil ilang ulit akong nagsuka kanina.
Pinilit kong huwag pansinin ang bawat tunog na naririnig ko mula sa doorbell sa labas. Wala akong balak tumayo. Kahit lumapit ako sa pintuan ay alam kong hindi ko naman iyan mabubuksan, dahil inalisan ako ng access ni Alexander.
Balak yata akong ikukulong ng lalaking iyon dito habang buhay. Mabuti na lang at p'wede akong gumamit ng telepono, kaya nataw
