AVERY
Mabilis na lumipas ang araw at buwan. Malaki na rin ang kambal at kasama namin sila sa bawat mahalagang tagpo ng buhay namin ng asawa ko.
Special sa akin ang araw na ito, dahil ten years anniversary na namin ni Xander. Nangako ako sa kanya noon na papayag akong magpakasal ulit kaming dalawa sa simbahan, kapag na-reached na namin ang sampung taon na hindi naghihiwalay.
Pakiramdam ko ay parang ngayon lang talaga kami ikakasal. Noong unang kasal kasi namin ay tanging si Xander lamang ang nakakaalam. Basta na lang niya ako pinapirma sa dalawang papel at wala akong ideya na marriage certificate na pala namin iyon, dahil ang akala ko ay kasama iyon sa kontratang pinirmahan ko.
Masyadong mautak si Xander. Talagang hindi na ako nakakawala sa kanya. Napangiti tuloy ako habang bumabalik s
