AVERY
Sa kwarto ni Arnel ako tumuloy at nagkulong. Saglit na sinilip ko si Ailee sa silid niya at ng masiguro na ayos na siya ay muli akong bumalik dito sa room ng kapatid ko.
Kahit halos walang lakas ang mga paa ko ay pinilit kong maglakad para makarating dito. Ayaw kong may makakita sa akin sa labas na miserable ang kondisyon ko.
Ayaw kong magpaliwanag sa kahit na sino sa mga kasama namin dito sa bahay, kapag may nagtanong kung anong nangyari sa akin at bakit ako umiiyak ng ganito.
Dito sa apat na sulok ng silid ni Arnel ay malaya akong umiiyak ngayon, habang nag-iisip kung ano ang mabuti kong gawin. Gulong-gulo na ang isip ko. Gusto ko sanang makausap si Xander kaya agad na pinuntahan ko siya sa garden, pero paano ko siya kakausapin kung kasama niya ang isa na namang babaeng may k
