AVERY
Lumapag ang chopper na sinasakyan ko sa isang malawak at bakanteng lote. Pribado ang lugar at may mataas na bakod sa paligid, bagay na ipinagtataka ko kung bakit ako narito at bakit dinala dito ng tauhan ni Declan.
Tanging ang maliit na kubo ang nakita kong nakatayo sa dulo. Wala akong nakikitang dahilan para pumunta dito, dahil wala rin namang naghihintay na sasakyan nang bumaba ako sa helicopter at sumayad ang paa ko sa lupa para ihatid sa kung saan.
"Sumunod po kayo sa akin, ma'am," magalang sa sabi sa akin ng armadong lalaking may hawak na baril.
"Kuya, bakit dito po ninyo ako dinala? Saan po tayo pupunta?" magkasunod na tanong ko.
"Utos po ni Boss Declan," tipid na sagot ng kaharap ko.
Kinakabahan man ay wala akong ibang nagawa kung 'di ang sumama sa kanya. Kahit nakakaram
