JAMILLA
Nakatingin lamang ako sa labas ng bintana habang sakay ng eroplanong maghahatid sa amin sa Cambodia. Tahimik dito sa loob dahil natulog na si Romeo, kaya walang nag-iingay sa aming dalawa ngayon.
Hindi ako nagbukas ng screen para manood ng kahit anong palabas at minabuti kong sumandal na lamang ang aking ulo at likod sa upuan.
Tahimik akong nakatingin sa kalangitan. Dalawang oras at kalahati lamang ang biyahe namin, pero kahit tahimik dito ang paligid ko, ay hindi ako makaramdam ng antok dahil laman ng isipan ko si Drake.
Dahil complicated at high-risk ang trabahong gagawin namin ni Romeo, kaya hindi ko siya puwedeng tawagan kahit lumapag kami sa Cambodia. Saka ko na lang siya kakausapin para magpaliwanag kapag natapos na ang misyon namin ng kapatid ko at nakabalik na kami sa
