DRAKE
“What do you want us to talk about, Ninong?” tanong ko kay Ninong Jared dahil alam kong hindi niya ako papupuntahin dito sa kaniyang opisina kung hindi mahalaga ang sasabihin niya sa akin.
“Have it first,” utos niya sa akin.
Itinaas pa niya ang hawak na baso at pagkatapos, nilagok ang laman nito. Ginaya ko siya. Kahit ayaw kong uminom ngayon, tinungga ko ang hawak kong baso at inubos ang laman nitong alak.
Napapikit ako at agad na napalunok. Gumuhit ang init at pait sa aking lalamunan. Hindi naman nagsalita si Ninong Jared at hinintay niya akong magmulat ng aking mga mata.
Napakaseryoso ng ekspresyon ni Ninong Jared ngayon, malayo sa karaniwang aura niya. Dahil sa lahat ng ninong ko at kaibigan ni Daddy, siya ang pinaka-cool, pero ngayon, kakaibang bersyon ng pagkatao niya ang
