Ano ang gagawin kung ang liwanag ng ilaw ng tahanan ay tuluyan nang napundi?
Ano ang gagawin sa nadurog na damdamin? Sa nabasag na tiwala?
MAGKAYAKAP ang mag-ama, parehong tumatangis sa nalamang nakakagimbal na balita. Kasalukuyang tinatanong ni Don Felicio ang kaniyang sarili kung ano ang nagawa niya upang magloko si Donya Salume. Hinahanap niya kung saan siya nagkulang.
Malungkot na pinagmasdan ni Badeth ang dalawa. Naisin man niyang tulungan sila, hindi niya alam kung paano iyon gagawin.
"Badeth, maghanda ka ng mamemeryenda. Nais kong ilabas mo iyong mamahaling biskwit. Timplahin mo rin ang imported na tsaa dahil mamaya-maya lang ay darating na ang espesyal nating bisita," utos ni Don Felicio, matapos makabawi.
Sinunod naman iyon kaagad ni Salume. Nagtungo siya sa bodega, inilab
