AQUILINA
"Mauuna na kami patungo ro'n sa pagtitipon, ha? Sumunod na lang kayong dalawa," wika ni ama habang karga-karga ang natutulog kong anak. Tumango ako at sinubaybayan silang makapasok sa sasakyan. Kakatapos pa lang ng misa at susunod naman naming pupuntahan ay ang mansyon ni Ignacio dahil mayroon na naman siyang inihandang piging para sa aming pagkakaibigan, kasabay na rin ang pagdiwang sa kaniyang pagkapanalo bilang alkalde.
Ang balak ko talaga, pagkatapos ng misa ay doon na kami didiretso dahil ganoon din ang ginawa nina Mildred at Edgardo. Ang kaso, itong si Basilio ay mayroon pa raw nais na puntahan bago kami magtungo sa baryo Pinagpala. Noong tanungin ko naman siya kung ano ang dahilan, ang tanging sagot niya lang ay malalaman ko na lang raw. Hindi na ako nakiusyoso dahil may
