DONYA SALUME
"Mabuti pa si Donya Salume at halatang hindi pinapabayaan ni Don Felicio. Pagmasdan niyo ang kaniyang kutis, parang walang bakas ng pagtanda," pambobola ni Markiyones Anna.
Kasalukuyan akong nasa kanilang pamamahay dahil inimbitahan niya ang kaniyang mga kaibigan para mag-tsaa, at para na rin makiusyoso sa buhay ng iba.
"Haha! Masyado niyo naman akong pinapasaya," tugon ko bago humigop ng tsaa.
"Balita ko maraming ginagawa si Don Felicio dahil inaasikaso niya ang kumpirmasyon mula sa kura paroko para maikasal na ang inyong anak at si Don Crisostomo. Sa awra mo ngayon mukhang hindi pa rin pumapalya ang pagmamahalan niyong dalawa ng iyong asawa. Paniguradong aktibo pa rin kayo sa kama. Anong sikreto para mahumaling pa rin sa iyo si Don Felicio? Kami kasi ng asawa ko, bihira
