AQUILINA
Pagkatapos ng hindi inaasahang pagbisita ni ina ay nagkulong si ama sa kaniyang silid. Alam kong masakit para sa kaniya ang akuin ang mga salitang kaniyang narinig kanina.
"Sigurado ka bang ayos lang na sa amin na ka na muna makikitulog, Aquilina? Paano si Don Felicio?" tanong ni Mildred. Lahat sila'y nasaksihan ang hindi kapani-paniwalang ugali na ipinakita ni ina kanina.
"Uhm. Panigurado rin namang ayaw ni amang makipag-usap ngayon. Hindi siya lalabas sa kaniyang silid hanggang bukas," tugon ko.
Nasa loob kami ng sasakyan, patungo kami ngayon sa bahay nina Mildred. Wala ngayon matutuluyan sina Basilio kung kaya't doon na muna sila, pumayag na rin naman si Tiyo Apollonio noong kinausap namin kanina bago kami umalis.
Hindi sila maaaring bumalik sa kanilang bahay, dahil kasalu
