DONYA SALUME
"Ano na ang lagay ni Aquilina, Badeth?" tanong ko pagkatapos na tuluyang maapula ang palabas na sakuna.
"Siya'y kasalukuyang natutulog sa kanyang silid," mabilis nitong tugon. Tumango ako at sunod na tinanong ang tungkol sa anak ni Eutequia na kasama nito kanina bago siya makuha.
"Paniguradong nakauwi na rin po siya kasama ang kanyang mga magulang."
"Mabuti kong gano'n. Ayaw kong maging sagabal ang batang iyon sa galit ko sa kanyang ama. Sukdulan ang kasalanan ni Dante sa akin at sa pamilya ko. Hindi ko inaasahan na wala silang papalagpasin na araw. Pati ang kaarawan ni Aquilina ay sisirain nila para lamang sa putanginang paghihiganti," wika ko, punong-puno ng panggigigil.
Pinaalis ko na si Bernadeth. Kailangan ko nang kausapin si Mercado sapagkat marami akong nais ipaga
